Ինչ ծաղիկներ նվիրել մայրիկին ապրիլի 7-ի առթիվ

Ինչ ծաղիկներ նվիրել մայրիկին ապրիլի 7-ի առթիվ
դիտումների քանակ 827
/
Ամսաթիվ 02-04-2021 16:10
/
Ավելացնող Flowershome

Մի կարծեք, թե գոնե մեկ ծաղկավաճառ կկարողանա Ձեզ ասել, թե որ ծաղիկներն են Ձեր մայրիկին դուր գալու: Միայն Դուք կարող եք իմանալ: Որպեսզի երկար չմտածեք այն հարցի շուրջ, թե ինչ ծաղիկներ կսիրի մայրիկը, կարող եք վարդեր գնել:

Այնուամենայնիվ, ուսումնասիրենք ճիշտ ծաղիկ ընտրելու մի քանի կանոն:

Ընտրելիս ուշադրություն դարձրեք դրա բույրին: Այս պարագայում ավելի լավ է չգնեք շատ ուժեղ բույր ունեցող ծաղիկներ, ինչպիսիք են շուշանները:

Եթե Ձեր մայրիկի տանը շատ կան բույսեր, ապա նախապատվությունը պետք է տալ դրանց: Խանութներում ներկայացված է տնային բույսերի հսկայական ընտրություն: Հաշվի առեք՝ բույսերի մեծ մասը պահանջում է հատուկ և զգույշ խնամք: Մտածեք այն մասին, արդյոք Ձեր մայրիկը պատրաստ է այդ գործընթացին:

Մայրիկին ծաղիկներ նվիրելիս կարող եք ընտրել սրանցից որևէ մեկը՝

  • հովտաշուշաններ,
  • հերբերաներ,
  • կակաչներ,
  • ցիկլամեններ,
  • վարդեր,
  • պիոններ,
  • երիցուկ:

Ինչպե՞ս ընտրել մայրիկի համար ճիշտ ծաղիկները:

  • Հիշեք, ինչ ծաղիկ էլ ընտրեք, գլխավորն այն է, որ դրանք թարմ լինեն:
  • Բույսի ցողունները, տերևները և ծաղկաթերթերը պետք է զերծ լինեն մուգ բծերից, ծալքերից:
  • Ծաղկի միջուկները պետք է թարմ լինեն։ Չպետք է լինի փխրուն ծաղկափոշի:
  • Ծաղիկը չպետք է տհաճ հոտ ունենա, հակառակը՝ ունենա թարմ և մաքուր բույր:
  • Ցողունային հատվածները չպետք է ծածկված լինեն լորձով:
  • Ծաղկեփունջը չպետք է չոր տեսք ունենա:

Այժմ արժե որոշել ծաղկեփնջի բողբոջների քանակը:

Անխոս` այն պետք է լինի կենտ թիվ: Մնացածը` ըստ Ձեր ցանկությունների և հնարավորությունների: Այնուամենայնիվ, հարկ է հիշել, որ բոլոր ծաղիկները պետք է լինեն բարձր ցողունների վրա: Դասական տարբերակը 7-ից 11 բողբոջ է: 

Հարդարման համար կան նաև ձևի և փաթեթավորման նյութի առանձնահատկություններ, որոնք Դուք պետք է իմանաք նախքան մայրիկի համար ծաղիկներ ընտրելը: Այստեղ պետք է ուշադրություն դարձնել կլոր ծաղկեփնջերին: Այս ձևը շեշտում է տիկնոջ կանացիությունը: Թափանցիկ փաթեթավորումը և նվազագույն աղեղները օգտակար կլինեն:

Ծաղկեփնջի ընտրությունը` ըստ մասնագիտության`

Մայրը գործարար կին է: Շուշաններ, վարդեր, բաց երանգների քրիզանտեմները կատարյալ են:

Մայրիկը տնային տնտեսուհի է: Տանը հարմարավետություն և ջերմություն ստեղծող կինը երջանիկ կլինի պայծառ կակաչներով, հերբերաներով:

Առանց բացառության, բոլոր մայրերը կսիրեն վայրի ծաղիկների կոմպոզիցիաները: Դա կարող է լինել երիցուկների, արևածաղիկների, զանգակների մոնո-կոմպոզիցիաներ կամ հավաքովի ծաղկեփնջեր: Այնուամենայնիվ, հարկ է հիշել, որ այս ծաղկեփնջերի կյանքը կարճ է` ոչ ավելի, քան 2-3 օր:

Եթե Ձեր մայրը ռոմանտիկ է, նրան դուր կգան հովտի շուշաններ, յասամանները, խոլորձները:

Ակտիվ և վճռական կինը կսիրի շուշաններ, կալլաներ, խոլորձներ կամ վարդեր:

Եթե դեռ չեք որոշել, թե ինչ ծաղիկներ նվիրել Ձեր մայրիկին, հարկ է նշել, որ հաստատ մեխակներ տալ չի կարելի: Սա, արական ծաղիկ է համարվում: Խորհուրդ ենք տալիս ընտրել թեթև, նուրբ երանգների բույսեր` խուսափելով բորդո և կարմիր գույներից: